1.1. Kurtlar qanunlarını bilməmək məsuliyyətdən yayınmaq ehtimalı yaratmır. 1.2. Kurtlar qanunu müzakirəyə çıxarıla və ya təhrif oluna bilməz. 1.3. Qanunlar KURTLAR-da öz mütləqiyyətini qoruyur. 1.4. Kurtların qanunlarına istisnasız olaraq bütün oyunçular riayət etməlidır. 1.5. Qəhrəmanı idarə edən şəxsin kimliyindən asılı olmayaraq qanun pozuntusu müşahidə edildikdə, məsuliyyətə qəhrəman özü cəlb edilir və bütün hərəkətlərinə görə qanun çərçivəsində cavab verir. 1.6. Kurtlarda “qanun nümayəndələri və keşikçiləri” Mələklər Qardaşlığıdır. Forumdakı “Şikayətlər” bölməsi istisna olmaqla Mələklərin fəaliyyəti heç bir halda müzakirə oluna bilməz. 1.7. Qanunsuzluqla mübarizə edən mələklərin fəaliyyəti Mələklər qardaşlığının qanunlarına əsaslanır. 1.8. Qanunun hər hansı bəndinin pozulmasının vaxtca köhnəliyi yoxdur. 1.9. Tətbiq olunmuş cəzaya görə şikayət oluna bilər. 1.10. Verilmiş cəza sonrakı fəaliyyətə görə dəyişdirilə (azaldıla və ya çoxaldıla) bilər. 1.11. Kurtlar qanunu Adminstrasiya tərəfindən dəyişdirilə və ya təkmilləşdirilə bilər. Qanunlar onların nəşrindən sonra qüvvəyə minir. Bütün dəyişiklik və təkmilləşdirilmələr kurtlar qanununun ümumi qanunlarına uyğun olaraq həyata keçirilir. 1.12. Adminstrasiyanın nümayəndələri (xidməti qəhrəman) qanunlarda əvvəlcədən nəzərdə tutulmamış bəndlərlə cəza tətbiq etmək hüququna malikdirlər. 1.13. Müxtəlif maliyyə əməliyyatları edən qəhrəman (alış/satış/kirayə/para/əşya ötürmə/muzdlu/müalicə/kredit vermə) məcburi surətdə forumun müvafiq bölümündə öz müqaviləsini qeydiyyatdan keçirməlidir. Qeydiyyatdan keçirilməmiş müqavilə qanunsuz hesab olunur. 1.14. Qanunları bilmədikdə, öhdəlikdə baş verən cavabdehlikdən azad olmamaq demək deyil. Oyuna daxil olduğunuz andan etibarən qanunla mütləq və qəti şəkildə tanış olmalısınız.
2.1. Tərkibində oyun prosesində iştirak edən şəxsləri və ya Adminstrasiyanı təhqir edən sözlər olan loginlər, nəzakətsiz, əxlaqsız leksika, təhqir, irqçilik, milliyyətçilik, narkotiklərin reklamı, dini və siyasi təbliğat olan adlarla bir sözlə Vulqar və əxlaqsızlıq yayan loginlərlə qeydiyyatdan keçmək qadağandır. 2.2. Yalnış cinsiyyət (qəhrəmana qeyd edilmiş Cins – oyunçunun real-həqiqi cinsi olmalıdır). 2.3. Yalnış doğum tarixi. 2.4. Mövcud olmayan və digər şəxslərə məxsus olan elektron ünvanlarını qeydiyyat zamanı qeyd etmək.
3.1. Təhqir, millətçilik, irqçilik, narkotiklərin reklamı, dini və siyasi təşviqat, Adminstrasiya və ya oyun prosesində iştirak edənləri təhqir edən ifadələr, digər veb səhifələr, proyektə aid olmayan reklam, realda qisasçılıq təhdidləri. 3.2. Layihənin işləməsinə xələl gətirə biləcək nüansların yaranması. 3.3. Real pullarla qəhrəmanların alış/satış xidmətlərinin təklifi (Xüsusi Dilerlər və Mələklər Qardaşlığının kommersiya şöbəsinin nümayəndələri istisnadır). 3.4. Real pul və KURTLAR pulu ilə (Para, Real para, qızıl, gümüş, dəmir) oyuna aid olan Seçilmiş artefakt əşyaların satışı haqqnda reklam və habelə oyun pulu və real pulla, real əşyalarının satış reklamı. 3.5. Millətlərarası və dini ədavəti, həmçinin, terrorçuluq fəaliyyətini qızışdırılmasına olunan çağırışlar. 3.6. Layihəyə aid olmayan saytların reklamı. a) Qəhrəmanın şifrəsinin oğurlanmasına xələl gətirə biləcək saytların yerləşdirilməsi. b) Porno və narkotik saytların reklamı və anketdə yerləşdirilməsi. c) Kompüterlərə zərər verə biləcək saytların reklamı. d) Milli-mənəvi dəyərlərin tapdalanmasına aid olan saytlar və habelə insan hüquqlarının tapdalanması, dinin təbliğatını aparan saytların reklamı və anketdə yerləşdirilməsi. 3.7. Qanun icraçıları olan Mələklər qardaşlığına və Admin heyətinə anketdə qanunlarla bağlı dəyişikliklər etməyə əmr şəkildə ifadələr ünvanlamaq.
4.1. Çat və forum oyunda qəhrəmanların döyüş zamanı, arasında münasibət üçün habelə qarşılıqlı ünsiyyət, vaxtın xoş keçməsi və kütləvi cəmiyyət arasında dünyagörüşünün artırılması üçün yaradılıb. 4.2. Oyunun Alt freymi olan çatda siz özünüz haqqında geniş məlumat verirsiniz. Bunun üçündə özünüzü cəmiyyətə tanıtdğınız zaman çalışın rəftarlarınızda, müraciətlərinizdə hətta qarşılıqlı münasibətlərdə mədəniyyət normalarını tapdalamayasınız. 4.3. Hər otaqda alt freym (çat) 2 hissəyə ayrılmışdır. Azərbaycan dilində (milli latın hərifləri ilə respublika nümayəndələrinin və habelə dilimizi anlayan hər bir şəxs üçün) və Rus dilində məlumat əlavə edərək öz aralarında qarşılıqlı ünsiyyət yaratmaq üçün olan bölümlərdir. Bu zaman otaqda dil, danışııq və ünsiyyət üçün 2 hissəyə bölünmüş alt freymdə və ya forumda (az/ru) təyin olunmuş münasib dilə uyğun olmayan dildə ümumi çatda (və yaxud forumda) ünsiyyət yaratmaq qadağandır. 4.4. Layihə istifadəçilərinin və istifadəçi olmayanların, bir sözlə ümumilikdə -Təhqir, irqçilik, milliyyətçilik, narkotiklərin reklamı, dini və siyasi təşviqat, Adminstrasiya və ya oyun prosesində iştirak edən şəxsləri təhqir edən ifadələr, digər veb səhifələr, proyektə aid olmayan reklam, realda qisasçılıq təhdidləri, dövlət hakimiyyətinin mənafeyinə toxunan danışıqlar, dövlət qanunlarını pozmağa dəvət edilən çağırışlar, seksual təzyiq, porno materialların yayılması, intim əlaqə təklifi kimi ifadələrə və müraciətlərə yol vermək QADAĞANDIR! 4.5. Flud hesab edilir: Smayl və ifadələrin daimi təkrarı, baş hərflərlə yazmaq, 3 dəqiqədən az olaraq baş verən döyüşün reklamı və ya sistem məlumatlarının təkrarı, məna verməyən hərflər yığımı, həmçinin normal danışığı poza bilən bütün ifadələr, hərəkətlər və təbəssüb nişanələri. 4.6. Xidmət və ticarət məlumatlarının reklamı (Bazar (az/ru) otağı istisnadır), xidmətlərin reklamı, xüsusi icazəsi olmayan və reklam olunan klana aid olmayan müxtəlif klanların sayt və forumlarının reklamı. 4.7. Mələklər Qardaşlığının işlək topiklərində mövzuya aid olmayan flud və ya məlumat. 4.8. Forum və ya ümumi çatda hər hansı bir alternativ proyektlərin müzakirəsi və ya reklamı. 4.9. Ümumi çat və ya forumda Mələklər Qardaşlığının və ya Adminstrasiyanın fəaliyyətinin müzakirəsi (“Şikayətlər” bölməsi istisnadır). 4.10. Kurtlar qanunlarını pozan təkliflər: danışılmış döyüşlər, parolun ikinci bir şəxsə ötürülməsi, bir şəxsə aid olan bir neçə qəhrəmanlar. 4.11. Döyüşlərin nəticələrinə bir başa təsir görəsədə biləcək hər hansı bir qanuna zidd təkliflərin edilməsi. 4.12. Qəhrəmanların və qəhrəmanlara aid olan oyun əşyalarının real pulla alqı-satqısının edilməsi. Real pulla mülki həyatda olan əşyaların satışının reklam edilməsi. Qanuna zidd təkliflər (telefon operatorlarına məxsus olan konturların hər hansı bir məqsədlə istənilməsi, bir sözlə mülki həyatla bağlı olan hər bir halın oyuna yansıldılması). 4.13. Xəta törədə biləcək saytların reklamı (kompyüter nəzərdə tutulur) və qəhrəmanların şifrələrinin oğurlanması üçün reklam edilən saytların çatda və forumda reklamı, təklifi, marağı və s. 4.14. Ruh(görünməzlik) ovsunundan istifadə edərək çatda yuxarıda bəndlərlə qeyd edilmiş qanunların pozulması 4.15 KURTLAR forum toplarını çatda 10 dəqiqədə 1 dəfə reklam etmək intervalını saxlamamaq, 4.16 Həyalət ovsunundan istifadə edərək yuxarıda qeyd edilən hər bir moderasiya qanunlarının pozulması.
5.1. Bir şəxsin iki və daha çox qəhrəman qeydiyyatdan keçirməsi. 5.2. Eyni İP ilə qeydiyyatdan keçən zaman qəhrəman haqqında yalan məlumat. 5.3. Mələklər Qardaşlığının sorğusu üzrə informasiya ötürülməsinə etiraz. 5.4. Sövdələşmə (müqavilə) üzrə (heç-heçə istisnadır) danışılmış qanunsuz döyüşlər keçirmək, eyni klanı (əsgəri (rekrut) klan) təşkil edən qəhrəmanların döyüş aparması. 5.5. Eyni İP ünvanlı qəhrəmana qəsdən olunmuş müdaxilə, kirayə, pul və ya əşya ötürülməsi, döyüşlər keçirilməsi (aşağıdakı limit istisna olmaqla). Limit:Para/əşya üçün 1 Qəhramandan gələn para və əşya Mərhələ 2: 30 para Mərhələ 3: 60 para Mərhələ 4: 150 para Mərhələ 5: 300 para Mərhələ 6: 750 para Mərhələ 7: 2000 para Ümumi balans Para/əşya üçün: Bir necə Qəhramandan gələn para və əşya Mərhələ 2: 80 para Mərhələ 3: 200 para Mərhələ 4: 450 para Mərhələ 5: 800 para Mərhələ 6: 1500 para Mərhələ 7: 3500 para Klan daxili Ümumi balans Para/əşya Mərhələ 2: 160 para Mərhələ 3: 400 para Mərhələ 4: 900 para Mərhələ 5: 1600 para Mərhələ 6: 3000 para Mərhələ 7: 6000 para Kredit və ya kirayə üçün limit: Faizlə para: Ümumi məbləğin (sutkada) 1-3 %-i. Kreditin verilməsinin maksimal müddəti 30 gündür. Faizlə para: Əşyanın dəyərinin (sutkada) 1-3 %-i. Kirayənin maksimal müddəti 30 gündür. 5.6. Saziş yalnız forumun müqavilələr bölməsində qanuna uyğun rəsmiləşdirildikdən sonra qanuni sayılır. 5.7. Qəsdən əvvəlcədən nəzərdə tutulan maddi və döyüş əməliyyatları keçirmək, həmçinin özündən kiçik mərhələyə bilərəkdən uduzma. 5.8. Qəhrəmanın şifrəsinin (parolunun) üçüncü şəxsə ötürülməsi. 5.9. Saziş zamanı zorakılıq və şantaj cəhdləri və ya təhdid vasitəsilə saziş bağlanılmasına göstərilən cəhd. 5.10. İstər eyni İP ünvandan istərsədə başqa-başqa İP-lərdən danışılaraq sövdələşmə ilə təmənnalı döyüşlərin keçirilməsi (Döyüş 100 para ilə, 100 dəmir ilə, 10 gümüş ilə, 1 qızıl ilə). 5.11. Döyüş BOT-u məqsədi ilə qəhrəmanları qeydiyyatdan keçirərək asan üslubda mərhələ və ap-ları adlamaq. Maliyyə BOT-u məqsədi ilə qəhrəmanları qeydiyyatdan keçirərək asan üslübda digər qəhrəmana para və əşya köçürərək onu qismən zəngin etmək. 5.12. Layihə istifadəçilərinin və mələklər qardaşlığının habelə inzibatçıların şifrələrinə əl qoymaq üçün təşəbbüs görsətmək.
6.1. Adminstrasiya nümayəndələri və Mələklər Qardaşlığının nümayəndələrinə söylənilən istənilən yalan, qəsdən yalan məlumatın ötürülməsi, özünün və yaxud başqasının faydası naminə yalan ifadə vermə, informasiyanı gizlətmə. 6.2. Adminstrasiya və ya Mələklər Qardaşlığını real pullarla əldə etmək cəhdləri, qanunlara zidd fəaliyyətlərə məcbur etmələr, xidməti informasiyanı yaymağa yönəldilən cəhdlər. 6.3. Adminstrasiya və ya Qəhrəmanın sahibinin icazəsi olmadan digər şəxslərin qəhrəmanları ilə daxil olma. 6.4. Böhtan, müəyyən zamanlarda öncədən edilmiş hərəkət və ya şikayətə aid tələb olunan sübutun verilməsinə dair etiraz, saxta sənədlər, Mələklər Qardaşlığından əsassız, sübut edilməmiş şikayət. 6.5. Adminstrasiya adından çıxış etmə, öz mənafeyi naminə İnzibati heyət və ya Mələklər Qardaşlığı adından qəhrəmana yalan məlumat yayamaq. 6.6. Qəhrəmana sahiblənmək məqsədi ilə istənilən oyunçudan parolu əldə etmək üçün dilə tutma. 6.7. Layihəyə aid olan saytlarda, klan saytlarında və s. hər hansı bir qəhrəman tərəfindən öz mənafeyi üçün, adminlər adından, qanun icraçılarını yönləndirə biləcək yalan məlumatların yayılması. 6.8. Qəhrəmanları aldatmaq – Əşyaların alqı-satqısı zamanı, Müqavilə ilə hər hansı bir əşya və para əldə etdikdən sonra həmin müqaviləni rədd etmək və müqaviləyə əsasən əşyanı qaytarmamaq və kirayə pulunu ödəməmək, bir sözlə digər qəhrəmanların əşyalarına əl qoymaq.
7.1. Oyun səhvlərindən (BAQ) öz məqsədi üçün istifadə, saytın və ya qəhrəmanın sındırılmasına cəhd. 7.2. Botlardan öz xeyrinə istifadə etmək və ya hiylə ilə hansısa proqramdan istifadə edərək oyunçunun mərhələsini artırmaq, qanunsuz oyunlar keçirmək. 7.3. Müəyyən texniki proqramlar vasitəsi ilə server-ə Dos hücumların edilməsi, Serverləri qırmağa cəhd, İnzibati panel-ə əl qoymaq üçün təşəbbüslərin görsədilməsi. 7.4. Qəhrəmanlara aid olan Modfikasiyanın yüksəlməsi əldə etmək və həmin yüksəlmədən istifadə edərək hər hansı bir məqsəd güdmək. 7.5. Yaranan texniki qüsurlar zamanı Admin heyətinə yaxud texniki şöbəyə məlumatı bildirməmək, əksinə həmin yaranan texniki qüsurdan istifadə etmək. 7.6. Layihənin bütün resurslarında hər hansı bir texniki səhvi tapıb ondan istifadə etmək. 7.7. Xəta yaradacaq saytları texniki qüsurlar yaratmaq üçün oyuna ötürmək və qəhrəmanlar arasında reklam etmək.
8.1. Layihədə klanlar və gildiyalar mövcuddur. Bu klanların hər birinin özünə uyğun saytı/forumu tərtib olunmalıdır. Saytlar şərtdir. 8.2. Hər bir klanın saytında, nişanı, əfsanəsi, tərkibinin siyahısı və nizamnaməsinin qeyd olunması şərtdir. Həmçinin, Adminstrasiya klanın müntəzəm işini dəstəkləyir. Rekrut klanların saytı əsas klana mənsub olma haqqında informasiyanı özündə əks etdirməlidir. Əgər hər hansı klanın rekrut klanı varsa, onun saytında ancaq həmin klanın əsas saytına aid informasiya olmalıdır. Həmin rekrut klan qeydiyyatdan keçdikdən sonra mələklər o klana görə məsuliyyət daşımırlar və klan öz fəaliyyətinə başlayır. 8.3. Klanların saytında qadağalar: digər veb səhifələrin yer alması, zorakılıq, narkotik, irqçiliyin və s. təşviqatı, kənar layihələrin reklamı. Admin heyətinin və mələklər qardaşlığının habelə hər hansı bir layihə istifadəçilərinin ünvanlarına edilmiş nəlayiq ifadələr və s. 8.4. Əsas və rekrut (əsgər) klanların nişan və saytları bir-birinə uyğun gələ bilməz. 8.5. Hər hansı klan qeydiyyatdan keçdikdən sonra onun adının və ya nişanının dəyişdirilməsi qeyri-mümkündür. 8.6. Klanların və klan saytların reklamı yalnız Klan başçılarına və Klan başçısının ərizəsi ilə Rəsmi qeydiyyatdan keçirilmiş Carçıya məxsusdur. Carçı – Oyunda qanunu icra edən mələklər qardaşlığının klanlarla iş bölməsinin rəisi tərəfindən xüsusi qeydiyyatdan keçdikdən sonra aşağıdakı qaydalara riayət etməlidir: 8.7. Carçılar Klanı və klan saytlarını Meydanda, Bazar otağında, Forumda yalnız Klanlar bölümündə öz reklamlarını etməyə hüquqları mövcuddur. 8.8. Hər bir otaqlarda klan carçıları və klan başçısı tərəfindən klanın və klan saytlarının reklamı 15 dəqiqədə 1 dəfədən artıq olmamalıdır. 8.9. Klanın heyətindəki qəhrəmanların hər birinin anketində ev səhifəsində klan saytının yer almasına icazə verilir. 8.10. Digər saytların çatda reklamı, anketdə əlavəsi, forumda qeydləri qadağandır. Klan saytlarına aid olan digər resursların anketdə, çatda və forumda əlavəsi qadağandır. Yalnız yuxarıdakı qaydalara uyğun olaraq ön səhifəni reklam etmək mümkündür. Klanın digər nümayəndələri (Klan başçısından və Rəsmi carçıdan başqa) ixtiyarları mövcud deyil klan saytını çatda, forumda reklam etməyə. Onlar yalnız öz anketlərində, ev səhifəsinə həmin saytı əlavə etmə hüquqları vardır.
9.1. Sənədlərin skan olunmuş sürəti aşağıdakı hallarda tələb olunur. Qəhrəman əxlaqsız loginlə qeydiyyatdan keçdiyi zaman. Mult aşkar olunub yoxlama keçirildikdə. Şifrənin digər şəxsə ötürülməsi zamanı. Qəhrəmanın sındırılması zamanı. Təmizlik yoxlaması keçirildikdə. Adminstrasiya və ya Mələklər Qardaşlığının tələbi zamanı. 9.2. Skan-kopiya şəxsiyyəti təsdiq edən istənilən sənəd (şəxsiyyət vəsiqəsi, xarici pasport, sürücülük vəsiqəsi, hərbi bilet) hesab olunur. Dokumentin skan-kopiyasını göndərmək könüllüdür. Ancaq göndərildiyi zaman personaja bəraət qazandıra bilər. Günahlandırılan şəxs skan-kopiya göndərməyə etiraz etdikdə mələk Kurtlar qanunlarına müvafiq olan cəzanı tətbiq etmək hüququ var. 9.3. Adminstrasiya qəbul etdiyi dokumentlərin anonimliyinə məsuliyyət daşıyır. Yoxlamadan sonra dokumentlərin surəti silinir.
10.1. II mərhələdən başlayaraq istənilən şəxs təmizlik yoxlaması keçirilməsinə ərizə verə bilər. Yoxlama aşağıdakı hallarda baş verə bilər: gildiyaya daxil olmaq istədikdə, gildiyanı qeydiyyatdan keçirən zaman, mənsubiyyətlərin əldə edilməsi zamanı. 10.2. Yoxlamanı Mələklər Qardaşlığının yoxlama bölməsi aparır. 10.3. Yoxlama zamanı yoxlayan mələk yoxlanılan şəxsdən sənədin skan olunmuş surətini, eyni İP-li qəhrəmanlar və əşya köçürmələri haqqında ətraflı məlumatı tələb edə bilərlər. 10.4. “Təmizlik” ovsununun təsir müddəti 96 saatdır (4 gün). Bu müddət bitdikdən sonra yoxlama etibarsızsayılır.
© 2024